相信可能係舖租貴，容易汰弱留強，
做得好o既，人人排隊爭食；唔好食o既，很快便關門大吉！
食肆質數漸漸提高，比起外國，香港餐廳簡直係是旦一間都OK!
更食到香港人個個都咀尖尖，各地美食都盡在香江，
想食懷石料理？有！歐洲菜？奥法意瑞德都有!
或者突然想食特式菜，如北京烤鴨？都得~
咁邊度食好呢？除了北京樓、鹿鳴春、全聚德外，
依家又有新烤鴨店可一試了!
剛開業無耐o既大都烤鴨，位於尖沙咀K11 內，由鴻星集團主理
在其集團官網簡介如下：「嚴選上乘北京嫩鴨，每隻約重2斤，肉質較幼嫩，烤出來肥而不膩。「大都烤鴨」內所有烤鴨均採明火掛爐、配以果木燻烤，淡淡木香滲透鴨肉。烤鴨皮脆肉嫩、入口鬆化，堂片鴨伴以秘製醬汁佐料，更具風味。」
講到咁正，真係未食都先興奮~
再睇睇佢地有咩優惠，比我發現午市有個$888 套餐
餐內包一整隻烤鴨！好抵食喎!!!
o既然咁抵，我地「為食兵團」o更係立馬出動啦!!!!!
餐廳在K11 的位置較隱蔽，格局有點似豪裝了的茶餐廳...
全店只有三張八人圓枱，建議先訂座。
落Order 約不到十分鐘便上做工精緻的前菜「大都四拼」，
(左)小蔥海蜇 - 夠爽口，伴一點點的麻香，開胃！
(中上)水晶魚凍 - 無咩魚味，配香醋一同進食會好一點。
(中下) 蠔油磨菇 - 呢個刀功夠巧妙，看上去像鴨腎，
蠔油味完全溶入磨菇內，呢個好食!
(右)水晶肴肉 - 不過不失之作。
然後來個生煎包，底部煎得香脆，內有少少肉汁，合格!
再來就是主菜北京烤鴨一隻!!
上菜前，侍應會拿出即將品嚐的烤鴨來，
食客確認後才拿回廚房切片。
等待烤鴨時，可細看MENU 的食法：
不過烤鴨一上枱真係連呀媽姓咩都唔記得...
仲會記住點食法咩....哈哈
快快手亂影幾張相就起動了!!!!
隨烤鴨奉上的配料有紫蘿蔔條青瓜條、哈密瓜條和京蔥絲，
當然少不了薄餅皮、砂糖和甜醬。
餅皮又薄又軟，花了一點時間拿起一片，
再加上烤鴨青瓜京蔥紫蘿蔔甜醬,包起佢即食！
鴨皮切得很薄，烤得很香脆，但完全除去肥，少了一點鴨香，
肉也是與鴨皮分開上，與鴨皮一樣不夠鴨香味。
好處是一點也不覺油膩，怕鴨騷味的人大可放心進食~
烤鴨食到尾聲，其他的小菜便接住上，
先來的是清湯雲吞連半隻雞及野菌翡翠，都幾好食，
再上的是以下呢個好特別o既地方小菜：胡同牛助骨!
呢個牛助骨可能夠肥，很濃的牛騷香再加上香料醬汁，極度惹味！
我自己就好喜歡呢道小菜，但怕牛騷味既人可能會不太接受！
最後上的小菜是大紅三杯烤鴨架，
呢個時候個我地成班「為食兵團」都食到反反地肚，
點知呢個都掂，個汁濃度適中好香口，鴨架肉沒有煮過熟但完全入晒味，
飽到上心口都依然食食食不停~OMG
呢個6人餐共有7位為食友共嚐，連新開張的九折coupon 每人HK$140,
午餐黎講係豪食左Ｄ，但比起晚市抵到爛， 完全滿足晒 7個胃的慾望，
而果半隻雞仲打包走，聽聞最後成了某貓兒的豐足大晚餐!!!
呢次Lunch 就食烤鴨真係好過癮，又食又拎間直係大滿足!
極度推介呢個888 午市套餐！但如果想試晚市，也有優惠套餐,
詳情：
http://www.superstargroup.com.hk/set.php?id=55&sid=10147
沒有留言:
張貼留言