色.香.味具全の「德美壽司」

尖沙咀實在有太多新餐廳開業，單單在厚福街的新食廈H8，
要試晒所有餐廳都真係要Ｄ時間。

今次就試食呢間在H8開業不足三個月的德美壽司!
未食之前已在Open rice 做定功課，見到有不少好評，
但價錢卻比城中日本人主理的名店平一大半。

Lunch set 由$40-$98 不等，最貴的八件壽司定食也只是$98
其食材大部分來自日本，每日返貨， 新鮮度十足！

但點解咁平？原來只因主廚及員工都是本地香港人,
而且由黃埔小店殺入尖咀旺區，可知其實力有一定的保証!

雖沒有傳統日本食店的裝璜，其環境也不錯，夠寬闊坐得舒適就足夠了！
午市選擇種類很多，好快我地就Order o左三款午市定食:


魚子碎吞拿魚腩飯定食
海膽什錦魚生飯定食
燒西冷定食

先來茶碗蒸, 　蛋夠滑溜但輕微偏咸，

再來是和風沙律，其漬味汁配上新鮮蔬菜很開胃，
特別是那片鮮茄真係好香甜!

先上的是魚子碎吞拿魚腩飯定食，賣相十分吸引!
我試了少許碎吞拿魚，魚味不錯，
同事話加上一隻鵪春蛋，令成碗飯更香滑~ 讚!





然後是我的海膽什錦魚生飯定食,
賣相沒有十分精緻，但看各材料的色澤，都是新鮮食材，

海膽質感滑溜，鮮甜味美，可惜份量太少~
除了魚生的鮮，也有混合了碎紫菜與香菇片飯底的香! 掂~

後上還有同事的燒西冷定食，試左一小片，
牛扒燒至半熟剛剛好，肉質夠軟身，沒有沾上大量醬汁，
只用了少少鹽及黑椒吊味，該有的牛味都己在!

這定食只賣$58竟有如此質數，實在沒話可說！ 

最後送上自家製的餐後甜品﹣
芒果汁奶凍，清甜可口，好食！

總括而言，環境及服務都很好，
食物的色，香，味具全，實屬誠意之作!

如果只差那些日藉主廚給你的日本feel..
論一分錢一分貨，德美壽司絕對是超值之選~　

一定會再encore! : )

「食」不可以貌相＠大戶屋（TST）

可能香港實在有太多野食
好多時都忘記左Ｄ唔太差又唔係叫好好既廳餐，如大戶屋...

某日放工想早食晚餐，經過彌敦道才想起有呢間野，
「喂，不如食大戶屋囉~」, 伴沒異議便進去了。

呢間野有度好，就係地方夠闊落，台又大大張，服務又ＯＫ，
如果係一班人想慢慢邊食邊傾計，或一家大細一抽二楞咁，
呢度就係最適合不過了！

好，講番食物方面，是日胃口一般想清清地，
就叫左呢個燒三文魚盒子定食！

單看MENU張樣真係好唔吸引！咁多選擇，相信無咩人會叫呢個黎食~　
只係剛巧我無咩胃口，唯一看似清淡的就是這個！
實物同MENU 相片一樣，但一食，依？出奇地又好好食喎！

輕輕燒至半生熟的三文魚腩，保持其原有的鮮甜魚香，
因為是腩位，肉質滑溜，伴上沙律好開胃！

燒過之後其魚油都滲入了有咬口的珍珠米裡，
加上洋蔥及少少黑椒同食更香口！

食呀食，好快就食晒成盒飯，好味！

相反伴選了貌相不錯的黑醋汁炸雞定食就只是一般貨色，
雖然炸雞是脆口的，與紅洋蔥也配合，但就是沒什驚喜。

「人不可以貌相」就聽得多，原來「食」都有例外，
當然，如果賣相做好Ｄ我會比更高評價！

有機會去大戶屋可以試下，本身愛吃三文魚的是必試之選！：）

「那些年」的元気寿司＠銅鑼灣羅素街新店

呢期興「那些年」，連ICQ 也復活起來，
看來人們對將來沒太期望時，便開始懷念從前...
 
香港有飲食天堂之美譽，各國美食多不勝數，質數也不斷被提升，
從前曾經叱吒一時的食店，不出幾年便很快被港人遺忘，
貪新忘舊的速度比愛情的四年賞味期限更快。(*註)


其中壽司在香港的發展速度更是快得驚人，
回想起 ICQ年代的「那些年」,元気寿司是大眾必食之選！　

我曾經也是元気FANS ；開心同友人食，唔開心自己一個去食，
考試有壓力去食，做完個大Project 想獎勵自己都會去食~
房中更貼上元気寿司Poster ! 哈哈，可說是一個元気寿司狂...
可惜近年食一次，失望一次，然後我也遺忘了它..

哈哈，巨蟹人又念舊起來, 長氣了~

說回現在的，某日路經銅鑼灣羅素街搵食，
機緣巧合下，見到有一間元気寿司新開張，
心想上一次幫襯也差不多兩年前 ，於是同伴說："就試下啦"~

餐廳環境不錯夠大夠光猛，當日人客不算多，侍應生服務算有禮，
Menu設計多年都無咩大改變，但價錢卻上漲了不少...

軟殼蟹手卷係元気必食之選，暫時以其價錢及質數係我食過最好味! 
紫菜是脆的，軟殼蟹炸得香脆不油膩，配上其蟹子沙律醬，簡單得來很味美！

迴轉帶上沒有太多選擇，自選了幾款基本寿司,

如元気卷，炸蝦卷，八爪魚寿司，帶子寿司，吞拿魚寿司... 

可能是新店開張，材料比想像中新鮮，但飯較鬆散。

突然發現迴轉帶上推介的極上之選﹣「豬頸肉寿司」... ...
我沒有試食，只覺得這些「創作寿司」是令其降格的主因之一
希望元気只是簡中推出這些 「創作」，才不致於元綠的下場。



再來一些寿司，前方這「灸燒黑椒海蝦」比較失望，
就是平日的熟蝦反轉加芝士調味粉再燒一燒就是了~

 中間的是「秋之選」針魚寿司，後方是encore 的八爪魚寿司, OK!



最後來一客炸雞試下，即叫即炸熱度夠，
大大件雞肉也算嫩滑，但很油膩！

二人共食了約二百元，只能作基本嚐試，
新店來說是不錯的！也完了我懷念過去的心...

下一次令我想再食元気，可能是數年後,
只望到時候還未結業吧~ 　


(*註) "Fisher looks at marriage and divorce in 58 societies and adultery in 42 cultures to explain the “four year itch” - ANATOMY OF LOVE: The Natural History of Mating, Marriage and Why We Stray  By Helen Fisher, Ph.D.

http://www.helenfisher.com/books.html

名不傳虛的正宗日本拉麵＠豚王

某假日與伴正苦腦有咩地方好玩，
突然發神經講左句：不如就去食豚王啦！

兩人雙眼發光，我即時上open rice 睇下有無「排隊攻略」
果然食過既客人都推介 3PM 後比較少人，
看一看錶"12:30PM" , 即準備出門一試本港日本拉麵名店 - 豚王!

因為早左，我地下午二點半就到達，
如想像中豚王舖位真夠細，只能容納約十八人。




等左半個hr 差不多到我地, 同時間突然多左好多人!
可能大家都做左功課三點到，結果返而二點半先係少人既好時機!!!



因為一早就落左Order, 一座低就係等食同影相~
以下呢兩碗係辣芽菜及碎肉醃菜，
個辣芽菜極度野味，又香又辣，
加入拉麵作伴菜非常開胃，我地食左大半碗！

等左約十分鐘，我的黑王出現了!!!
第一眼就見到那黑蒜油波波球，比想像中油膩
配料好足，豚肉大大件夠滑, 肥瘦度適中!
麵質是我選了的硬沒有錯，很有咬口！

湯底，極濃既蒜香油味直達味蕾，一食停不了~
但再試多幾口，略嫌其蒜味把豬骨湯蓋過了

伴選了豚王拉麵，試了其湯底，
愛那單純的香濃豬骨味，湯夠香滑又不會有油膩感，
如加上辣芽配菜一同食更香口，味覺上再多一個層次，

兩人二話不說默默食食食，然後發現同台食客都一樣，
因為真係停不了口，不消十分鐘便成碗食晒!!!! 

豚王果然係名不傳虛，一食完已經有想再食既衝動
不過下次我會食豚王，黑王是有點重口味了

其服務還算合格，環境就一定唔係舒服架啦，
但有在日本街頭食拉麵的感覺，都係文化體驗之一

如此質數，排30分鐘隊係好值得，
如果真係無野做，排一個鐘都接受，

還未試？找不到節目那天就去食吧!